Mae fferylliaeth yn Arbenigedd unigryw; mae’n cynnig mynediad a chymorth gofal iechyd o ran lles, camau atal, triniaeth a gofal i gleifion yn unigol ar draws y system gofal iechyd gyfan.

Nod ein gwasanaeth Fferyllfa ym Mwrdd Iechyd Prifysgol Aneurin Bevan yw darparu gofal diogel, o gartref i gartref, amserol, sy’n canolbwyntio ar y claf, er mwyn galluogi cleifion i gadw’n iach, gwella eu hiechyd, lleihau niwed a chyflawni’r arbedion mwyaf o feddyginiaethau.

Mae swyddi ar gael ym maes gofal sylfaenol ac eilaidd a hyfforddiant amlsector, felly ni fu erioed amser mwy cyffrous i ymuno â’n tîm.

Technegwyr fferyllfa

Mae swydd technegydd fferyllfa wedi datblygu’n sylweddol dros y blynyddoedd diwethaf. Trwy weithio ym maes gofal sylfaenol ac eilaidd, mae’r swydd yn un amrywiol ac yn canolbwyntio ar y claf.

Mae ein technegwyr fferyllfa yn rheoli ac yn paratoi’r cyflenwad o feddyginiaethau ac yn rhoi cyngor i gleifion a gweithwyr iechyd proffesiynol. Gallan nhw fod yn rhan o weithgynhyrchu meddyginiaethau megis cemotherapi a gweithio’n agos gyda Fferyllwyr.